Turkiyadagi bolalar bog‘chasida harbiy to‘ntaruv harakati sahnalashtirildi

Turkiyadagi bolalar bog‘chasida tarbiyalanuvchilar ishtirokida harbiy to‘ntaruv harakati sahnalashtirildi. Bu haqida CNN Türk xabar berdi.

Bolalar qo‘llarida o‘yinchoq qurol bilan she'rlar o‘qishdi, harbiy orkestr chiqish qildi. Bolalar bog‘chasi tarbiyalanuvchilaridan biri isyonchilar bilan kurashda halok bo‘lgan shahidni aks ettirdi. Uning "jonsiz tanasi" an'anaga ko‘ra, davlat bayrog‘i bilan yopildi. 

O‘tgan yilning 15 iyulida Turkiyada davlat to‘ntaruv harakati sodir etilgan, buning natijasida 230 nafardan ziyod kishi halok bo‘lgan. Bundan tashqari, yana 2,1 ming nafari turli jarohatlar olgan.