Argentinaning "Tronador" raketasi havoga ko‘tarilishi bilan falokatga uchradi (video)

Internetda Argentina tomondan yaratilgan "Tronador" raketasining uchirilgandan keyin falokatga uchragani videosi paydo bo‘ldi. Argentina hukumati raketa yordamida orbitaga o‘zining sun'iy yo‘ldoshlarini olib chiqishni rejalashtirayotgandi. 

Biroq parvoz vaqtida raketa sun'iy yo‘ldosh tugul, hozircha o‘zining vaznini ham ko‘tara olmasligi ayon bo‘ldi. 

Raketa falokatga uchragani qayd qilingan videoda u parvozni boshlagandan keyin sekin-asta balandlikka ko‘tarilayotgani, biroq sanoqli soniyalardan keyin dvigatellari o‘chib, yerga qulaganini ko‘rish mumkin. Natijada bir necha milliard dollar turadigan ko‘p tonnalik qurilma yerga tushgach portlab ketgan.