Sankt-Peterburgda O‘zbekiston fuqarosining jasadi topildi

Rossiyaning Sankt-Peterburg shahrida O‘zbekiston fuqarosi baxsiz voqea qurboni bo‘ldi. Bu haqda mahalliy nashrlar xabar tarqatdi.

Ma'lumotlarga ko‘ra, kecha, 28 aprel kuni Peterburgning Griboyedov kanali bo‘ylab joylashgan 18-uy hovlisida erkak kishining jasadi topilgan. O‘zbekistondan kelgan migrant ta'mirlash ishlari olib borilayotgan binoning 5-qavatidan qulab, zinalar ustiga tushgan.

Jasad ko‘zdan kechirilganda uning yonidan O‘zbekiston pasporti, ishlash uchun patent va bitta qurilish kompaniyasi bilan tuzilgan shartnoma chiqqan. Hozirda hodisa yuzasidan surishtiruv ishlari olib borilmoqda.