1300 kilometrni piyoda bosib o‘tgan marafonchi Nukusda kutib olindi (foto)

Joriy yilning 3 may kuni Nukus sport kollejida qashqadaryolik “O‘zbekiston sport faxri” Abdijabbor Xolboyev bilan yoshlar o‘rtasida uchrashuv bo‘lib o‘tdi. Bu haqda Kruz.uz xabar bermoqda.

Abdijabbor Xolboyev 2017 yilning 25 mart kuni Toshkent shahridan boshlab 2017 yil “ Xalq bilan muloqot va inson manfaatlari yili” munosabati bilan Toshkent-Jizzax-Samarqand-Navoiy-Buxoro-Urganch-Nukus shaharlari yo‘nalishida ekomarafon doirasida sog‘lom turmush tarzini ommalashtirish bo‘yicha 1300 kilometrdan ziyod yo‘lni 4 may kuniga qadar piyoda bosib o‘tdi.   

Ekomarafon tashkillashtirishdan maqsad xalq orasida sog‘lom turmush tarzi, sportning inson salomatligiga ahamiyatini keng targ‘ib etish, piyoda yurish, yugurishning foydali taraflarini keng ommalashtirish hisoblanadi.