FIFA O‘zbekiston klubini kechirmadi

Foto: AP

G‘uzorning «Sho‘rtan» klubi Oliy ligadan chetlatiladi. Bu haqda Tribuna.Uz‘ga vaziyatdan xabardor manbalar xabar bergan.

Xabar qilinishicha, «Sho‘rtan» FIFA belgilagan muddatda futbolchilar oldidagi qarzlarni to‘lamagan. Klub qarzlarni to‘lagan vaqtda esa FIFA belgilagan muddat o‘tib bo‘lgani aytilmoqda.

FIFAdagi manbalarning ma'lum qilishicha, «Sho‘rtan» mavsumni yakunlab qo‘yishi va kelgusi yildan boshlab quyi divizionga tushirib yuborilishi kutilmoqda. Jamoa aynan qaysi ligaga chetlatilishiga aniqlik kiritilmagan.