Rossiya va Turkiya savdodagi cheklovlarni bekor qilish bo‘yicha bayonotni imzoladi

Rossiya va Turkiya savdodagi cheklovlarni o‘zaro bekor qilish bo‘yicha bayonotni imzoladi. Hujjatlarga ikki davlat bosh vazirlarining o‘rinbosarlari Arkadiy Dvorkovich hamda Mehmet Shimshek imzo chekishdi.

RF bosh vaziri Dmitriy Medvedev va Turkiya bosh vaziri Binali Yildirim, 22 may

Imzolash marosimida Rossiya federatsiyasi hukumati rahbari Dmitriy Medvedev va Turkiya Jumhuriyati bosh vaziri Binali Yildirim bo‘lgan. 

Medvedev 22 may kuni Qora dengiz iqtisodiy hamkorligi tashkilotining sammitida ishtirok etdi. U anjuman doirasida turkiyalik hamkasbi bilan muzokaralar o‘tkazgan. 

Rossiya hukumati matbuot xizmatiga ko‘ra, Dmitriy Medvedev Istanbulga tashrifi davomida Turkiya prezidenti Rajab Toyyib Erdo‘g‘an bilan ham uchrashadi.