Tillerson Qatar atrofidagi vaziyatni izohladi

Foto: AFP

AQSh davlat kotibi Reks Tillerson Fors ko‘rfazi mamlakatlarining Qatar bilan diplomatik munosabatlarini uzgani to‘g‘risidagi xabarlardan so‘ng shu xususda bayonot berdi. U mintaqa davlatlarini birdamlikka chaqirdi, deb xabar qilmoqda Frans Press agentligi.

Dushanba, 5 iyun kuni Saudiya Arabistoni, Misr, Bahrayn va BAA Qatar bilan diplomatik va konsullik munosabatlarini uzganligini e'lon qildi. Ular rasmiy Doxani terrorchilik tashkilotlarini qo‘llab-quvvatlash hamda ushbu arab davlatlaridagi ichki vaziyatni beqarorlashtirish bo‘yicha harakatlarni olib borayotganlikda aybladi.

"Biz, albatta, tomonlarni muzokaralar davrasiga o‘tirish va tushunmovchiliklarga barham berishga chaqiramiz", — deya Sidneyda shunday bayonot bergan Tillerson so‘zlarini keltiradi agentlik.

"Agar muammolarni bartaraf etish borasida biror yordam bera olsak, unda biz Fors ko‘rfazi arab davlatlari hamkorligi kengashi yagona bo‘lib qolishini xohlaymiz", — deb qayd etgan Tillerson.

Tayyorlagan Толиб Раҳматов

#Qatar #Reks Tillerson

Fors ko‘rfazida jiddiy siyosiy inqiroz yuzaga keldi. Saudiya Arabistoni, Misr, Bahrayn, BAA, Yaman, Liviya va Maldiv boshqa bir arab davlati Qatar bilan diplomatik aloqalarni uzdi. Bunga Qatar Eronni va terrorizmni qo‘llagani sabab sifatida ko‘rsatilmoqda.