Video: Apple ilovalarsiz dunyoni apokalipsisga taqqosladi

Apple kompaniyasi yangi mahsulotlari taqdimoti davomida dunyoning iOS ilovalarisiz qolishi nimalarga olib kelishi mumkinligi ko‘rsatilgan reklamasini namoyish qildi. 

Syujyetga ko‘ra, korporatsiyaning yangi xodimi adashib kompaniya serverlari uchun mas'ul simni uzib qo‘yadi, shundan keyin Apple foydalanuvchilarining ilovalari yo‘qola boshlaydi. Qarabsizki, hayot xaosga aylanadi: odamlar o‘z yaqinlarini yo‘qotadi, yirik YTHlar ro‘y beradi, bu ko‘pchilikda apokalipsis daragidek tasavvur uyg‘otadi. 

Apple kompaniyasining Appocalypse nomi ostidagi yangi reklama roligi YouTube'da million martadan ko‘p ko‘rildi.