Kanadada yosh yigit odamlarga pichoq bilan hujum qildi, qurbonlar bor

Kanada shimolidagi Kvebek viloyatida joylashgan Akulivik aholi punktida pichoq bilan qurollangan 19 yoshli yigit odamlarga hujum qilgan. Bu haqda mahalliy huquq-tartibot idoralariga iqtibos keltirgan holda CBS telekanali ma'lum qildi.

Dastlabki ma'lumotlarga ko‘ra, yigit bir nechta uylarga kirib, ularda yashovchi odamlarga jarohat yetkazgan. U 4-uyga kirmoqchi bo‘lganda politsiya tomondan otib o‘ldirilgan.  

Hujum oqibatida 4 kishi halok bo‘lgan. Qurbonlar orasida 10 yoshli bola ham bor.

Yigitni qotillikni sodir etishga undagan sabablar hozircha noma'lumligicha qolmoqda. Politsiya voqea tafsilotlarini aniqlashtirmoqda.