Suriya bo‘yicha muzokaralarning yangi bosqichi Jyenevada 10 iyul kuni boshlanadi

Foto: SANA

Jyenevada Suriya bo‘yicha muzokaralarning yettinchi bosqichi BMT rahbarligida 10 iyul kuni boshlanadi. Bu haqda BMTning Suriya bo‘yicha maxsus vakili Staffan de Mistura ofisi matbuot xizmati xabar berdi, deb yozmoqda Reuters.

«BMTning Suriya bo‘yicha maxsus vakili, Suriya bo‘yicha muzokaralarning yettinchi raundi Jyenevada o‘tishini ma'lum qilmoqchi. Ishtirokchilar 9 iyulga yetib kelishlari kerak, raund 10 iyul kuni boshlanishi lozim», - deyiladi xabarda.

Ta'kidlanishicha, de Mistura avgust va sentabr oylarida muzokaralarning yangi bosqichlarini o‘tkazish niyatida.