Andijon YHXB 1786 mast haydovchini aniqladi

Andijon viloyati IIB Yo‘l harakati xavfsizligi boshqarmasi xodimlari tomonidan yo‘l-transport hodisalarining oldini olish va transport vositalarini boshqarishda yo‘l-harakati qoidalariga rioya etishlarini aniqlash maqsadida avtoreydlar o‘tkazib kelinmoqda.

Soha hodimlari tomonidan yilning o‘tgan 6 oyi davomidagi avtoreydlar natijasida 1786 shaxs transport vositasini mast holatda boshqargani aniqlangan. Bundan tashqari, 7639 haydovchi belgilangan tezlik me'yorlarini oshirgan. 1250 kishi svetoforning ta'qiqlovchi chirog‘iga rioya qilmagan bo‘lsa, 30973 kishi xavfsizlik kamarini taqmay harakatlangan. 

Mazkur holatlar bo‘yicha haydovchilarga nisbatan ma'muriy bayonnomalar tuzildi, deb xabar qiladi Andijon viloyati IIB matbuot xizmati.