Shveytsariya Milliy banki raisi O‘zbekistonga keldi
Shveytsariya Milliy banki boshqaruvchilar Kengashining raisi Tomas Jordan iqtisodiy hamkorlik doirasida Toshkentga tashrif buyurdi.
Delegatsiya a'zolari Markaziy bankka tashrifi chog‘ida mamlakatdagi makroiqtisodiy vaziyat va bank-moliya tizimida olib borilayotgan islohotlar, xususan investitsiya muhitini yanada yaxshilash, bank tizimining barqarorligini ta'minlashdagi chora-tadbirlar bilan tanishdilar.
Muzokaralar chog‘ida mehmon O‘zbekistonning pul-kredit, valyuta siyosatini liberallashtirish borasida ko‘rilayotgan sa'y-harakatlarini qo‘llab-quvvatlashini bildirdi.
Janob Jordan O‘zbekiston banklari uyushmasida Markaziy bank xodimlari va tijorat banklari rahbarlari uchun “Iqtisodiy shart-sharoitlar va Shveytsariya monetar siyosati” mavzuida taqdimot marosimini o‘tkazdi.
Mehmonlar O‘zbekistonga safari davomida Oliy Majlis Senati rahbariyati va hukumat a'zolari bilan uchrashuvlar o‘tkazdi.
Tashrif dasturida mehmonlarning qadimiy Buxoroga sayohati ham rejalashtirilgan.
Mavzuga oid
12:10 / 03.10.2024
Rossiya sudi AQSh ikki bankining 372 mln dollarlik hisobraqamlarini xatlovga oldi
09:30 / 30.09.2024
Toshkentda o‘zini bank xodimi deb tanishtirib, o‘zganing 15 mln so‘mini o‘zlashtirgan shaxs ushlandi
14:50 / 25.09.2024
Shveytsariya parlamenti Golodomorni genotsid deb tan oldi
07:50 / 23.09.2024