Stiv Voznyak iPhone’ning yuqori narxiga nima sabab ekani haqida gapirdi

Apple korporatsiyasi hammuassisi Stiv Voznyakning ma'lum qilishicha, iPhone’ning baland narxi smartfon yuqori sifat va ishonchga ega ekanligi bilan bog‘liq. Bu haqda u South China Morning Post nashriga aytib o‘tgan.

«Apple mahsulotlari sifatli, biroq ularning narxi ham juda yuqori. Ko‘plab insonlar buning uchun pul to‘lashga rozi bo‘lmoqda», - dedi Voznyak Xitoyning Guandunidagi texnologik konferensiyada chiqish qilib.

Uning so‘zlariga ko‘ra, Xitoydagi ishlab chiqaruvchi narxni pasaytirish bo‘yicha doimiy ravishda izlanmoqda, biroq smartfonning funksionalligini ham saqlab qolishmoqchi: «Ular yaxshi ishlab chiqilgan, chiroyli ko‘rinishga ega, narxi esa o‘rtacha daromadga ega kishiga mos keladi».