Rustam Qosimjonov o‘zbekistonlik mashhur tadbirkorlarga qarshi dona surdi

26 iyul kuni “GroundZero” kovorkingida shaxmat bo‘yicha jahon chempioni Rustam Qosimjonov bir vaqtda o‘zbekistonlik tadbirkorlarga qarshi dona surdi.

Ushbu musobaqada Zafar Hoshimov (Korzinka.uz, Redtag), Murod Nazarov (MuradBuildings), Rahmatulla Xudoyberganov (Arthouse) va boshqa ko‘plab tadbirkorlar ishtirok etishdi. 
Ko‘tarinki ruhda kechgan bahslar 19,5:0,5 hisobida Rustam Qosimjonov foydasiga yakunlandi. 

Tadbirda musobaqadan tashqari, shaxmatning O‘zbekistondagi rivojlanishi, o‘zbek sportchilarining jahon arenasida erishgan yutuqlari, homiylarni jalb qilish borasidagi qiyinchilik va qulaylik haqida suhbat ham bo‘lib o‘tdi.