Rigada O‘zbekiston va Latviya hukumatlararo komissiyasi yig‘ilishi o‘tkazilmoqda

Rigada 28-30 avgust kunlari Latviya-O‘zbekiston iqtisodiyot, sanoat va ilmiy-texnik hamkorligi hukumatlararo komissiyasining 7-yig‘ilishi bo‘lib o‘tmoqda.

Yig‘ilish davomida O‘zbekiston va Latviya ishbilarmon doiralari ishtirokida biznes-anjuman bo‘lib o‘tdi.

Biznes-anjuman davomida O‘zbekiston korxonalari Latviyaga barra va qayta ishlangan meva-sabzavot, elektrotexnika, to‘qimachilik mahsulotlari, yuqori unumdor ma'danli o‘g‘itlar va kimyo mahsulotlarining zamonaviy turlari, yengil va yuk mashinalari hamda boshqa ko‘plab mahsulotlarni barqaror ravishda yetkazib berishni ta'minlashlari mumkinligi qayd qilib o‘tilgan.

Shuningdek, Latviyaning De Fonte Group kompaniyasi va O‘zbekiston tashqi savdo vazirligi huzuridagi “O‘ztreyd” AJ tashqi savdo kompaniyasining qo‘shma savdo uyini ochish bo‘yicha kelishuvga erishilgan.