Mourino: Ibrahimovich sabrli bo‘lishi kerak

«Manchester Yunayted» bosh murabbiyi Joze Mourino jarohatdan so‘ng tiklanayotgan hujumchi Zlatan Ibrahimovichni safga qaytishga shoshilmaslikka chaqirdi.

«Bizda unga ehtiyoj bor va uni kutmoqdamiz, ammo u sabrli bo‘lishi, hissiyotlar berilmasligi hamda aqlsizlik bilan ish tutmasligi kerak. U tezroq tiklanish istagida ekanini bilaman, biroq hammasi asta-sekinlik bilan borishi lozim. Biz u safga qaytishini xohlamoqdamiz, biroq, shu bilan birga, juda yaxshi holatda kelishini ham istaymiz», - dedi Mourino.

Ibrahimovich aprel oyida tizzasidan jiddiy jarohat olgandi. Kutilishicha, u «MYu»ga YeChL guruh bosqichi o‘yinlarida yordam bera olmaydi.