AQSh Iqlim bo‘yicha Parij kelishuvini tark etish niyatidan qaytdi

AQSh Iqlim bo‘yicha Parij kelishuvini tark etmaydi, balki undagi ishtiroki shartlarini qayta ko‘rib chiqishga urinib ko‘radi. Bu haqda 16 sentabrda The Wall Street Journal nashri ma'lum qildi. 

Bu haqda nashrga ispaniyalik siyosatchi, iqlim bo‘yicha yevrokomissar Migel Arias Kanete ma'lum qildi. Uning aytishicha, Vashington atmosferaga zarar chiqindilarni chiqarishni kamaytirish bo‘yicha kelishuvdagi maqsadlarni to‘g‘rilab olishni istamoqda. “Amerikaliklar yangidan kelishuv tuzish yoki Parij kelishuviga parallel kelishuvni ishlab chiqishni istamasliklarini bildirib qo‘ydilar”, deb aytgan Kanete.