Eron prezidenti AQShni ogohlantirdi
Agar AQSh prezidenti Donald Tramp Eron bilan yadroviy kelishuvdan voz kechsa, u holda bu Qo‘shma Shtatlarga "qimmat"ga tushishi mumkin. BMT Bosh assambleyasining 72-sessiyasida ishtirok etish uchun Nyu-Yorkka kelgan Eron prezidenti Hasan Ruhoniy CNN telekanaliga bergan intervyusida shu haqida ma'lum qildi.
Ruhoniyning so‘zlariga ko‘ra, AQShning kelishuvdan chiqishi qimmatga tushadi. Eron prezidenti "amerikaliklar o‘zlariga foyda keltirmaydigan narsa uchun bunday "baland narx" to‘lashni istashmaydi", deb hisoblaydi.
Uning aytishicha, agar AQSh prezidentining ma'muriyati yadroviy kelishuvdan chiqsa, bu xalqaro hamjamiyatning Vashingtonga bo‘lgan ishonchiga putur yetkazadi.
Ruhoniy Arakan shtatidagi voqealarga to‘xtalar ekan, rohingya-musulmonlarining ommaviy o‘ldirilishi uchun Myanma hukumatini javobgarlikka tortish kerakligini ta'kidladi.
Uning so‘zlariga ko‘ra, Arakan musulmonlariga gumanitar yordamni Myanmaga emas, Bangladeshga yo‘llash kerak. Bunday yordam bugungi kunda Arakan musulmonlari yashab kelayotgan qochqinlar lagerlariga bevosita yetkazilishi kerak.
Mavzuga oid
23:47 / 01.10.2024
Bayden amerikalik harbiylarga Isroilga yordam berishni buyurdi
21:19 / 01.10.2024
Eron yaqin orada Isroilga ballistik raketalar bilan hujum qilishi mumkin – OAV
20:41 / 01.10.2024
AQShning sobiq prezidenti Jimmi Karter 100 yoshga to‘ldi
09:50 / 01.10.2024