Ichki ishlar organlari xodimlari namunali ko‘rsatkichlar uchun mukofotlanadi

Vazirlar Mahkamasining 15.09.2017 yildagi 727-son qarori bilan ichki ishlar organlarining tergov bo‘linmalari xodimlariga qo‘shimcha ustamalar to‘lanadigan maxsus malaka darajasini berish  hamda og‘ir va o‘ta og‘ir jinoyatlarni namunali fosh etganlik va tergov qilganlik uchun pul mukofotlari to‘lash tartibi belgilandi. Bu haqda Norma.uz xabar qilmoqda.

Maxsus malaka darajalari tergov bo‘linmalari boshliqlari va ularning o‘rinbosarlari, surishtiruvchilar, tergovchilar, surishtiruv ishlarini muvofiqlashtirish va nazorat qilish bo‘linmalari xodimlari, tergov faoliyatini tashkillashtirish bo‘linmalari xodimlari, axborot-tahlil bo‘linmalari xodimlari, kadrlar bo‘linmalari xodimlariga beriladi.
 
Maxsus malaka darajasi mezonlar asosida 100 balli baholash tizimi bo‘yicha belgilanadi. Ular uchun qo‘shimcha ustamalar o‘rnatilgan.

Bundan tashqari, quyidagilar uchun bir martalik pul mukofoti ko‘zda tutilgan:

•  og‘ir va o‘ta og‘ir jinoyatlarni namunali tergov qilganlik uchun — 4 EKIH;
•  og‘ir jinoyatlarni namunali fosh etganlik uchun — 6 EKIH;
•  o‘ta og‘ir jinoyatlarni namunali fosh etganlik uchun — 8 EKIH.