Argentinaning sobiq prezidenti so‘roqqa chaqirildi

Argentinaning sobiq prezidenti Kristina Fernandes de Kirshner 1994 yilda Buenos-Ayresda yahudiy madaniy markaz portlatilishi ishi bo‘yicha so‘roqqa chaqirildi va unga mamlakatni tark etish taqiqlab qo‘yildi.

"Federal sudya Klaudio Bonadio 26 oktabrga sobiq prezident ko‘rsatmalar berishini belgiladi", deb ma'lum qilindi sud doiralaridagi manba.

Markaz portlatilishini tergov qilgan argentinalik prokuror Alberto Nisman Kirshner va o‘sha vaqtda tashqi ishlar vaziri bo‘lgan Ektor Timermanni portlashga aloqador deb hisoblangan eronliklarga "jazosizlikni ta'minlash" maqsadida til biriktirishda ayblagan.

Keyinroq Nisman o‘z uyida o‘lik holda topilgan. Nacion nashri jandarmeriya ixtiyorida bo‘lgan ma'lumotlarga tayanib, Nisman dastlab taxmin qilingandek o‘z joniga qasd qilmagani, balki o‘ldirilganini ma'lum qilgan.