Toshkentda Tojikiston milliy mahsulotlari ko‘rgazmasi bo‘lib o‘tadi

11 - 14 oktabr kuni soat 10:00da Toshkent shahridagi "O‘zekspomarkaz"ning 1-pavilonida Tojikiston milliy mahsulotlari ko‘rgazmasi bo‘lib o‘tadi. Bu haqida O‘zbekiston savdo-sanoat palatasi matbuot xizmatida xabar berildi.

Shuningdek tashrif doirasida 11 oktabr soat 14:00da "O‘zekspomarkaz"ning 1-pavilonida ikki mamlakat kompaniyalari va tadbirkorlari ishtirokida O‘zbek-Tojik biznes forumini o‘tkazish rejalashtirilgan. 

Mazkur tadbirlarni o‘tkazishdan maqsad - O‘zbekiston va Tojikiston ishchi doiralari o‘rtasidagi savdo-iqtisodiy hamkorlik aloqalarini kengaytirish.