Islandiyada «havoda muallaq turuvchi» piyodalar o‘tish joyi paydo bo‘ldi

Islandiyaning Isafordyur shahrida "havoda muallaq turuvchi" piyodalar o‘tish joyi paydo bo‘ldi. Bu haqda RT xabar bermoqda. 

Bunday vizual effektga "zebra"ning hajmli qilib ishlangan surati hisobiga erishiladi.

Islandiyaning transport sohasidagi mutasaddilarini bunday o‘tish joylarini yaratishga Hindiston poytaxti Nyu-Dehlidagi shu kabi loyiha ilhomlantirdi. Bunday piyodalar o‘tish joylari Germaniya, Belgiya, Avstriya, Buyuk Britaniya va Ispaniyada allaqachon mavjud.

Islandiya o‘lim bilan tugovchi yo‘l-transport hodisalari eng kam yuz beradigan davlatlar sirasiga kiradi.