Tez tibbiy yordam bo‘limidan kompyuter jamlanmasi o‘marildi

Piskent tuman IIBga Tez tibbiy yordam bo‘limida ishlovchi, 1979 yilda tug‘ilgan Xolida Aytmatova (keltirilgan ism-familiyalar o‘zgartirilgan) ariza bilan murojaat qilib, o‘z arizasida joriy yilning 11 oktabr kuniga o‘tar kechasi noma'lum shaxs, deraza oynasini sindirish yo‘li bilan kirib, ish joyidagi xizmat xonasidan unga tegishli umumiy narxi taxminan 2.000.000 so‘m bo‘lgan “Toshiba” rusumli kompyuter jamlanmasi va 1 dona “Canon” skanerini o‘g‘irlaganligini ma'lum qilgan.

Bu haqda Toshkent viloyati Ichki ishlar boshqarmasi axborot xizmati xabar bermoqda.

Olib borilgan tezkor chora-tadbirlar natijasida ushbu jinoyatni Piskent shahrida yashovchi 1990 yilda tug‘ilgan Sherzod Latipov sodir etganligi aniqlanib, ushlandi.