Pokistonda boshini 180 gradus orqaga bura oladigan o‘smir topildi

Pokistonning Karachi shahrida boshini 180 gradus orqaga o‘gira oladigan 14 yoshli Muhammad Samir ismli bola yashaydi. Bu haqda Daily Pakistan nashri xabar bermoqda. 

O‘smirning aytishicha, uning bu qobiliyati tug‘ma nuqson emas, balki uzoq kechgan mashg‘ulotlar natijasidir. Muhammadning ta'kidlashicha, u 6 yosh bo‘lganda Gollivudda ishlangan dahshat filmlaridan birida boshini orqasiga aylantira oladigan qahramonga ko‘zi tushib, unga o‘xshamoqchi bo‘lib muntazam mashqlar qila boshlagan va bir necha oydan keyin ko‘zlagan maqsadiga erishgan.

Muhammadning onasi unga bu mashqlarni taqiqlashga xarchand urinmasin, u to‘xtashni istamagan. “Vaqti kelib, u bu tangri inoyati ekanligini tushungan”, deb aytmoqda o‘smir.

Muhammad otasi kasalga chalingandan keyin maktabdagi o‘qishini tashlab, oilasiga yordam berish maqsadida Dangerous Boys raqs guruhiga qo‘shilib, o‘zining antiqa qobiliyati bilan pul topmoqda.