Gvardiola 10ta nuqtada o‘ynashga qodir futbolchi haqida gapirdi

«Manchester Siti» bosh murabbiyi Xosep Gvardiola braziliyalik yarimhimoyachi Fernandino haqida gapira turib, uning universalligini alohida qayd etdi.

«Fernandino har doim bizga yordam beradi, u jamoamizning muhim futbolchisidir. U maydondagi 10ta nuqtaning har biridan joy olishi mumkin. O‘tgan mavsumda, u hatto himoyachi bo‘lib o‘ynagan edi. 

Jamoamizda bunday futbolchining borligidan xursandman», — deb Gvardiola so‘zlarini keltirmoqda «Manchester Siti» matbuot xizmati.

32 yoshli Fernandino «Manchester Siti»ga 2013 yilda «Shaxtyor»dan kelgan edi. Joriy mavsumda u barcha musobaqalarda 16ta o‘yinda maydonga tushib, 2ta gol urdi.