Kolumbiyada qurilayotgan ko‘prik qulashi oqibatida 10 kishi halok bo‘ldi

Kolumbiyada kamida 10 kishi qurilayotgan ko‘prik qulashi oqibatida halok bo‘ldi. Bu haqda CNN xabar bermoqda. 

Fojia Kundinamarka va Meta viloyatlari chegarasida yuz bergan. Ko‘prik Bogotadan Vilyavisensiogacha olib boruvchi shossening bir qismi sifatida qurilayotgan edi.

Halok bo‘lganlar va jarohatlanganlarning barchasi quruvchilar bo‘lgan. Voqea joyida qutqaruv ishlari olib borilmoqda. Uyumlar ostida odamlar bo‘lishi mumkin.

Ayni vaqtda ko‘prik qulashiga nima sabab bo‘lgani noma'lumligicha qolmoqda.