Turkiya hujum boshlashi ortidan Rossiya o‘z harbiylarini Afrindan chiqarmoqda

Rossiyaning Suriyadagi harbiy qo‘mondonligi Turkiya hujum boshlagan Afrindagi harbiy xizmatchilari xavfsizligini ta'minlash maqsadida ularni hududdan olib chiqa boshladi.

Rossiya Mudofaa vazirligi «provakatsiyalardan va rossiyalik harbiy xizmatchilarning sog‘lig‘iga ehtimoliy tahdidlardan qochish» maqsadida Afrindagi harbiylarni Tell-Adjarga ko‘chirishga ko‘rsatma bergan.

Rossiyaning bu hududdagi harbiylari sulh doirasida tinch aholiga zarur ko‘maklar ko‘rsatish bilan shug‘ullanib kelmoqda.

Bundan avvalroq Turkiya qurolli kuchlari Suriyaning Afrin mintaqasidagi qurollangan kurd bo‘linmalariga qarshi quruqlikda «Zaytun novdasi» nomi ostida harbiy operatsiyani amalda boshlagani e'lon qilingandi.