Turkiya AQSh bilan Suriyada hamkorlik qilishning asosiy shartini ma'lum qildi

Anqara va Vashingtonning hamkorligi davom etishining asosiy sharti AQShning suriyalik kurdlarga qurol yetkazishini to‘xtatishi va ularga avval yetkazilgan qurolning qaytarib olinishi hisoblanadi. Bu haqda Turkiya bosh vaziri o‘rinbosari Bakir Bo‘zdag ma'lum qildi.  

“Biz ittifoqdoshlarimizni (AQSh) ular terrorchilarga (Suriyadagi kurd qurollangan tuzilmalari) qurol bilan yordam bermasliklari kerakligidan bir necha marta ogohlantirganmiz. Hamkorlikni davom ettirishning asosiy sharti qurol yetkazib berishni to‘xtatish va avval yetkazilganini qaytarib olishdan iborat”, deb aytgan Bo‘zdag jurnalistlarga.