Toshkentda Osiyo chempionati g‘oliblari tantana bilan kutib olinadi

Xitoyda bo‘lib o‘tgan Osiyo chempionatida g‘olib bo‘lgan O‘zbekiston U23 terma jamoasi bugun Toshkent vaqti bilan soat 23:50da Toshkentga yetib keladi. Islom Karimov nomidagi Toshkent xalqaro aeroportida O‘zbekiston yoshlar ittifoqi a'zolari terma jamoani kutib olishga tayyorgarlik ko‘rmoqda.

Marosimda davlat va nodavlat tashkilotlari vakillari, el ardog‘idagi san'atkorlar, deyarli barcha barcha OAV vositalari, Yoshlar ittifoqi faollari jam bo‘ladi.

Kutib olish marosimidan keyin futbolchilar «O‘zbekiston» mehmonxonasida shaxsan O‘zbekiston Respublikasi Prezidenti Shavkat Mirziyoyevning topshirig‘i bilan taqdirlanadi.

Bundan oldinroq Osiyo chempionlariga prezident topshirig‘i bilan bittadan Chevrolet Malibu rusumidagi avtomobillar taqdim etilishi haqida xabar berilgandi.