Nigeriyadagi avtohalokatda 20 dan ko‘proq o‘quvchi halok bo‘ldi 

Nigeriyaning Kanto shtatida maktab avtobusi ishtirokida yirik yo‘l-transport hodisasi yuz berdi. Gulf news Nigeria nashrining xabar berishicha, Bauchi shtatidagi maktablardan birining o‘quvchilari ketayotgan avtobus yuk mashinasi bilan to‘qnashib ketgan. Buning oqibatida 22 o‘quvchi va avtobus haydovchisi halok bo‘lgan, 3 o‘quvchi jiddiy jarohatlar bilan shifoxonaga jo‘natilgan. 

The Sun News nashrining ma'lumotlariga ko‘ra, yo‘l-transport hodisasida 28 kishi halok bo‘lgan. Maktab o‘qituvchisining nashrga ma'lum qilishicha, 22 o‘quvchi va 3 o‘qituvchining voqea joyida, yana 3 o‘quvchining shifoxonaga yo‘lda joni uzilgan.

Dastlabki ma'lumotlarga ko‘ra, avtobus haydovchisi yo‘ldagi chuqurni chetlab o‘tish vaqtida boshqaruvni qo‘ldan chiqargan.