Norvegiyada rekord. Pyongchang-2018: bugun o‘ynalgan barcha medallar

Janubiy Koreyaning Pyongchang shahrida davom etayotgan Qishki olimpiada o‘yinlarida navbatdagi kun musobaqalari yakuniga yetdi.

Bugun bo‘lib o‘tgan musobaqalarda jami 4ta medallar jamg‘armasi o‘ynaldi. Ayollar o‘rtasidagi figurali uchishda Rossiyalik olimpiyachi atletlar terma jamoasi dastlabki ikki o‘rinni band etgan bo‘lsa, Fristaylda Kanada xuddi shunday natija ko‘rsatdi.

Konkida yugurish bo‘yicha Niderlandiya terma jamoasiga teng keladigan raqib topilmadi. Biatlon bo‘yicha erkaklar o‘rtasidagi estafetada kutilmaganda Shvetsiya terma jamoasi bosh sovrinni qo‘lga kiritdi.

Yuqorid qayd etilgan ikki sport turida ham kumush medallarni qo‘lga kiritgan Norvegiya terma jamoasi jami bo‘lib 37ta medalni qo‘lga kiritishdi va qishki olimpiadalar tarixidagi rekordni takrorladi. Shu kungacha eng ko‘p medal aynan 37tani tashkil etib, AQSh terma jamoasi 2010 yilgi oq olimpiadada bu natijaga erishgandi. So‘nggi ikki kunda chang‘i bo‘yicha marafonda ishtirok etadigan Norvegiya terma jamoasida bu rekordni butunlay yangilash imkoniyati mavjud.

Olimpiada-2018
Pyongchang, Janubiy Koreya

23 fevral kuni o‘ynalgan barcha medallar

Figurali uchish
Erkin dastur
Ayollar

1. Alina Zagitova (Rossiyalik olimpiyachi atletlar)
2. Yevgeniya Medvedeva (Rossiyalik olimpiyachi atletlar)
3. Keytlin Osmond (Kanada)

Fristayl
Ski-kross
Ayollar

1. Kelsi Serva (Kanada)
2. Brittani Fela (Kanada)
3. Fanni Smit (Shveytsariya)

Kyorling
Erkaklar
3-o‘rin uchun uchrashuv
3. Shveytsariya

Konkida yugurish
Erkaklar
1000 metr

1. Keld Nyuys (Niderlandiya)
2. Xovard Xolmeford Lorentsen (Norvegiya)
3. Kim Te Yung (Janubiy Koreya)

Biatlon

Erkaklar

Estafeta

1. Shvetsiya
2. Norvegiya
3. Germaniya

Umumjamoa hisobida medallar jamg‘armasi(oltin, kumush, bronza, jami)

1. Norvegiya – 13-14-10 (37)
2. Germaniya – 13-7-6 (26)
3. Kanada – 10-8-9 (29)
4. AQSh – 8-7-6 (21)
5. Niderlandiya – 8-6-4 (18)
6. Shvetsiya – 6-4-0 (10)
7. Fransiya – 5-4-6 (15)
8. Avstriya – 5-2-6 (13)
9. Janubiy Koreya – 4-4-4 (12)
10. Shveytsariya – 3-6-4 (13)