Jahon chempionatida yengil atletika tarixida misli ko‘rilmagan holat yuz berdi

Birmingemda yengil atletika bo‘yicha yopiq inshootlarda o‘tayotgan jahon chempionatida ushbu sport tarixida misli ko‘rilmagan holat yuz berdi. Gap shundaki, 400 metrga yugurish bo‘yicha 3-saralash bahsida ishtirok etgan barcha sportchilar diskvalifikatsiya qilindilar. 

Ushbu bahsda 5 sportchi ishtirok etgan. Dastlab falstart uchun 2017 yilgi jahon chempionatining bronza medali sohibi qatarlik Abdulloh Xarun chetlatilgan.

So‘ngra qolgan 4 ishtirokchi: yamaykalik Stiven Geyl, latviyalik Austris Karpinskis, Bagam orollaridan Alonso Rassel va Grenadadan Bralon Taplin qayta startga chiqib, masofani yugurib o‘tishgan. Biroq hakamlar sprinterlarning barchasini chetlatish haqida qaror chiqargan: ular masofani o‘tish vaqtida o‘z polosalaridan tashqariga chiqib ketganlar.

Qatar’s Haroun disqualified in 400m at Indoor Worlds#IAAF #Birmingham #Disqualified #Qatar #Haroun #Taplin #UK #Athletics @IAAFWorldChamps @qatar_olympic @qatarathletics https://t.co/KQ3m8QmKm7 pic.twitter.com/SIjJcnOz60

— Doha Stadium Plus (@Dohastadiumplus) March 2, 2018

Xalqaro yengil atletika federatsiyalari uyushmasi matbuot xizmati ushbu holatni bunday darajadagi musobaqalar uchun misli ko‘rilmagan deb atagan.