British Council Rossiyadagi faoliyatini to‘xtatdi

Britaniya kengashi (British Council) Rossiyadagi ishini to‘xtatgani hamda barcha rejalashtirilgan tadbirlar bekor qilingani haqida ma'lum qildi.

Bu haqda tashkilot saytidagi xabarda aytiladi.

«Britaniya kengashiga Rossiyadagi faoliyatini to‘xtatish belgilandi, bu Rossiya TIV bayonotiga asosan ro‘y berdi. Biz shu munosabat bilan barcha rejalashtirilgan tadbirlar hamda dasturlarni bekor qildik. Bundan chuqur afsusdamiz va sizga tushunganingiz uchun minnatdorlik bildiramiz», - deyiladi xabarda.

Britaniya kengashi – bu xalqaro tashkilot bo‘lib, Buyuk Britaniyani madaniyat va ta'lim sohasida taqdim etadi.

Eslatib o‘tamiz, avvalroq British Council’ning Rossiyadagi faoliyati to‘xtatilayotgani xabar berilgandi.