Kreml: Rossiyadagi JCh va Olimpiada-1936 o‘zaro taqqoslanishi haqoratli

Rossiya prezidenti matbuot kotibi Dmitriy Peskov Britaniya TIV rahbari Boris Jonson Rossiya futbol bo‘yicha jahon chempionatini Hitler va 1936 yilgi Olimpiya o‘yinlari yo‘nalishida PR-yondashuv sifatida foydalanayotganini aytgan parlament qo‘mitasi a'zosi fikriga qo‘shilganidan so‘ng, bu borada o‘z izohini berdi, deb xabar qilmoqda RIA «Novosti».

«Juda haqoratli bayonot. U istalgan davlatning tashqi ishlar vaziriga hech ham mos tushmaydi», - dedi Peskov.

Shuningdek, u bunday bayonotni «haqoratli va qabul qilib bo‘lmas» deb atagan. Peskov Britaniya tomoni GRU sobiq polkovnigi Sergey Skripalning zaharlanishi bilan bog‘liq hodisani fosh etish maqsadida haqiqatdan ham o‘zaro ishlash xohishida emasligi va bu borada hech qanday dalillar yo‘qligini yana bir bora eslatgan.

«Moskva oddiy siyosiy mantiq va bu ishda vis-a-vis oqilligiga umid qilmoqda», - deya ta'kidlab o‘tdi Peskov.

Eslatib o‘tamiz, avvalroq Britaniya YeI davlatlarini rus diplomatlarni chiqarib yuborishga ko‘ndirmoqchi ekani xabar qilingandi.