Kanadaga yuborishni va'da qilgan shaxs 27 ming dollarga chuv tushirdi

2018 yil 26 fevral kuni Samarqand shahrida yashovchi, xususiy tadbirkor M.F. IIBga murojaat qilgan, deb xabar bermoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

U murojaatida 2017 yil mart oyidan noyabr oyigacha bo‘lgan vaqt oralig‘ida Xiva ko‘chasida yashovchi, 1988 yilda tug‘ilgan A.R. Kanada davlatiga ishlash maqsadida yuborish uchun M.F. va 1982 yilda tug‘ilgan F.I. hamda 1975 yilda tug‘ilgan I.O.dan jami 27.000 AQSh dollari olib ularni Kanada davlatiga yubormasdan pullarni o‘z ehtiyojlari uchun ishlatib yuborganligini ma'lum qilgan. 

Natijada A.R. qo‘lga olingan.