Britaniyaning o‘zi aloqador bo‘lishi mumkin – Rossiya

Rossiya Tashqi ishlar vazirligi rasmiy vakili Mariya Zaxarovaning fikricha, Britaniya GRU sobiq polkovnigi Sergey Skripal zaharlanishiga aloqador bo‘lishi mumkin. Bu haqda u «Pyatyy kanal»ga bergan intervyusida ma'lum qilgan.

«Bizda bu ish bo‘yicha ma'lumot hamon yo‘q. Buyuk Britaniyadan yagona rasmiy axborotlarni kecha oldik va u Yuliya Skripalning ahvoli yaxshilanishiga doir bo‘ldi. Shuning uchun Buyuk Britaniya va rasmiy shaxslarning bu voqeaga aloqadorligi haqida to‘g‘ridan to‘g‘ri aytish mushkul, biroq gumonlarimiz bor», - deya aytib o‘tdi Zaxarova.

Shuningdek uning ta'kidlashicha, Britaniya tomonidan ma'lumotlarning yashirilishi mamlakat Skripal zaharlanishiga aloqador ekanidan darak berishi mumkin.