BAA Xalqaro fuqarolik aviatsiyasi tashkilotiga Qatar ustidan arz qildi
BAA Xalqaro fuqarolik aviatsiyasi tashkilotiga Qatar qiruvchi samolyotlari bilan bog‘liq voqealar yuzasidan rasman arz qildi. Bu haqda Gulf News nashri xabar bermoqda.
BAAning fuqarolik aviatsiyasi bosh boshqarmasi boshlig‘i Saif Muhammad al-Suvaydiyning aytishicha, BAA xalqaro tashkilotga Chikago konvensiyasining 54-moddasiga ko‘ra “batafsil arz” yo‘llagan.
Avval boshqarma ma'lum qilganidek, o‘tgan haftada Qatar qiruvchi samolyotlari BAAning yo‘lovchi samolyotlariga xavfli masofaga yaqinlashgan. Bundan avval shunga o‘xshash voqea yanvarda yuz bergan. Qatar o‘shanda ayblovlarni rad etgan.
“Qatarning BAA yo‘lovchi samolyotlariga qarshi tajovuzkor harakatlari fuqarolik aviatsiyasini tartibga soluvchi xalqaro paktlar va konvensiyalarning ataylab buzilishi deb qaraladi va fuqarolik aviatsiyasiga xavf soladi. BAA bunday harakatlarni qoralaydi”, deb aytgan al-Suvaydiy.
Mavzuga oid
09:10 / 03.10.2024
O‘zbekistonliklar Qatarga ishga yuboriladi
09:12 / 28.09.2024
O‘zbekiston va BAA mudofaa sohasida hamkorlikni yo‘lga qo‘yishi mumkin
17:49 / 27.09.2024
Saida Mirziyoyeva BAA bosh vaziri o‘rinbosari bilan hamkorlik masalalarini muhokama qildi
10:50 / 23.09.2024