Meksikada shahar meri otib tashlandi

Foto: Reuters

Meksikaning Puebla shtatidagi Tlanepantla shahri meri Xose Efrain Garsiya o‘qqa tutildi. Bu haqda shtat bosh prokuraturasi Twitter’dagi sahifasida xabar bergan.

«Prokuratura Tlanepantla meri Xose Efrain Garsiyaning o‘ldirilishi yuzasidan tergov o‘tkazmoqda, u San-Pablo-Aktipan va Tepeaka o‘rtasidagi yo‘lda transport vositasida bo‘lgan. Boshqa mashinalar unga yo‘lni to‘sib qo‘ygach, mer o‘q otar quroldan yaralandi», - deyiladi xabarda.

Amaldor olgan jarohatlari tufayli shifoxonada hayotdan ko‘z yumgan.