InSight missiyasi Marsga parvoz qildi

AQShning Kaliforniya shtatida joylashgan Vandenberg kosmodromidan Toshkent vaqti bilan soat 16:05da Marsni tadqiq etishga mo‘ljallangan InSight zondiga ega Atlas V raketasi parvoz qildi. Parvoz jarayoni NASA tomonidan to‘g‘ridan-to‘g‘ri efirga uzatildi.

InSight apparati – Mars ichki qatlamlarini tadqiq etish bo‘yicha birinchi missiya. Zond sayyorada ichki jinslar va meteoritlar zarbalari harakatini o‘lchash uchun seysmograf o‘rnatadi. Shuningdek, burg‘ilash ishlarini amalga oshiradi va turli tajribalarni o‘tkazadi. Bu olimlarga Qizil sayyora shakllanishi hamda rivojlanishi haqida ko‘proq bilib olish imkonini beradi.