Kolumbiyada to‘g‘onning o‘pirilishi videoda qayd qilindi

Kolumbiyada gidroelektr stansiya qurilishida yo‘l qo‘yilgan xato tufayli to‘g‘onning o‘pirilishi videoda qayd qilindi.

Mahalliy OAVning ma'lum qilishicha, Kauka daryosi drenaj tunnelini o‘pirib yuborgandan keyin o‘n minglab odamlar evakuatsiya qilishlariga to‘g‘ri kelgan. 600 ga yaqin odam o‘z uyidan ayrilgan, ikkita maktab, ikkita ko‘prik va shifoxona vayron bo‘lgan.

16 mayda mahalliy hukumat yangi toshqinlar bo‘lishidan xavotirlanib, 8 munitsipalitetda evakuatsiya e'lon qilgan. Antiokiya departamenti gubernatori yuz bergan voqeani milliy falokat deb atagan.