Venesueladagi prezidentlik saylovlari g‘olibi aniqlandi

Venesuelaning amaldagi prezidenti Nikolas Maduro 20 may kuni o‘tgan prezidentlik saylovlarida g‘olib bo‘ldi. Bundan teleefirda Milliy saylov kengashi rahbari ma'lum qilgan ma'lumotlar darak bermoqda.

Ayni vaqtda byulletenlarning 90 foizdan ko‘prog‘i ko‘rib chiqilgan. Maduroga 5,8 mln kishi, uning ortidan kelayotgan Enri Falkonga 1,8 mln kishi ovoz bergan.

Ta'kidlanishicha, saylovlar biror-bir jiddiy hodisasiz o‘tgan. Saylovda qatnashishga 20,5 mlndan ko‘proq fuqaro taklif qilingan, biroq davomat 46 foizdan biroz ko‘proqni tashkil qilgan. Avvalgi prezidentlik saylovlarida davomat yuqori bo‘lib, 80 foizni tashkil qilgan.