Saudiya Arabistoni malikasi Vogue muqovasida avtomobilda aks etdi
Vogue jurnalining Saudiya Arabistonda chop etiluvchi iyun oyi nashri muqovasida malika Xayfa bint Abdulla Ol-Saudning avtomobil ruli boshqaruvida aks etgan surati paydo bo‘ldi. Nashr shu tariqa mamlakatdagi ayollarning mashina boshqaruviga taqiqni bekor qilinganini namoyish etdi.
Suratda Xayfa bint Abdulla Ol-Saud qizil kabriolet ruli qarshisida aks etgan, muqovada "Harakatga keltiruvchi kuch" yozuvi tushirilgan. Malika Vogue'ga Saudiya Arabistonida "konservatorlar ko‘pligi", lekin u baribir o‘zgarishlarni qo‘llab-quvvatlashini aytgan. Jurnal tahririyati saudiyalik ayollar bilan "taqiqlov bekor qilinganini nishonlayotgani"ni qo‘shimcha qilgan.
Ayollarning Vogue tomonidan qo‘llab-quvvatlanishiga qaramay, ko‘pchilik jurnalni iyun oyi nashri uchun tanqid qilishdi. The Guardian'da ta'kidlanishicha, ijtimoiy tarmoqlar foydalanuvchilari jurnalda mashina boshqarishga nisbatan taqiqlovning bekor qilinishini talab qilayotgan siyosiy faollarning qo‘lga olingani haqida yozilmaganidan norozi bo‘lishgan. Ba'zilar hatto malikaning yuzini qo‘lga olingan faollar yuziga o‘zgartirishgan.
2017 yilning sentabrida Saudiya Arabistoni qiroli ayollarga avtomobil boshqarishga ruxsat beruvchi farmonni imzolagandi. Biroq haydovchilik guvohnomasini olish uchun ayollar avvalgidek erkaklardan ruxsat olishlariga to‘g‘ri keladi.
Mavzuga oid
12:54
Hindistonlik erkak noodatiy avtomobillar kolleksiyasi bilan Ginnesning rekordlar kitobiga kirdi
14:30 / 01.10.2024
O‘zbekiston bosh vaziri o‘rinbosari Saudiya investitsiyalar vaziri bilan muzokara o‘tkazdi
19:43 / 29.09.2024
Saudiya Arabistonida 2024 yilda qancha inson qatl etilgani ma’lum bo‘ldi
12:40 / 27.09.2024