Video: Niderlandiya bosh vaziri pol tozaladi

Niderlandiya bosh vaziri Mark Ryutte parlament binosiga kirishda bexosdan kofesini polga to‘kib yubordi va shvabrani olib, polni tozalashga kirishdi. Ushbu holat videosi Niderlandiyaning Turkiyadagi elchisi Kis van Bekning tvitterdagi sahifasida e'lon qilingan.

Videoda Mark Ryutte xushchaqchaq kayfiyatda chashkadagi qahvani ko‘targan holda parlament binosiga kirgani, so‘ng qo‘li chayqalib, ichimlik yerga to‘kilganini ko‘rish mumkin. Shunda u farroshlarning hay-haylashiga qaramasdan, polni arta boshlaydi va olqishlarga sazovor bo‘ladi.

Ijtimoiy tarmoqdagilar bosh vazirning samimiyligiga shubha bildirishganida, elchi Kis van Bek ularga javob qaytargan.

«Men bir necha marta u velosipedida Haagani sayr qilganiga guvoh bo‘lganman», deya yozgan van Bek.