AQShda yadro bombasi muvaffaqiyatli sinovdan o‘tkazilgani ma'lum qilindi 

AQSh harbiy-havo kuchlari boshqariluvchi B61-12 yadro bombasining ilk sinovlarini o‘tkazdi. Bu haqda Military.com portali ma'lum qildi. 

Sinov vaqtida B-2 Spirit bombardimonchi samolyotlari qo‘llangan.

“Bu sinovlar B61-12 konstruksiyasi tizim talablariga javob berishini ko‘rsatadi”, deb aytgan AQSh energetika vazirligining yadroviy xavfsizlikni boshqarish milliy ma'muriyati xodimi Maykl Lyutton.

Sinovlar 9 iyunda Nevada shtatidagi harbiy poligonda Edvards aviabazasining 419-sinov eskadrilyasi boshqaruvida o‘tgan. 

AQSh ushbu bombani Yevropa davlatlari – Germaniya, Italiya, Turkiya, Belgiya va Niderlandiyadagi harbiy bazalarida joylashtirmoqchi. 

B61-12’ning ilk partiyasi qurollanishga 2020 yilda olinishi rejalashtirilgan.