AQSh Shimoliy Koreyani yadroviysizlanishda vaqt bilan cheklamaydi – Tramp

AQSh Shimoliy Koreyaga yadroviy qurolini yo‘q qilishida hech qanday muddatlar qo‘ymaydi. Bu haqda AQSh prezidenti Donald Tramp aytib o‘tdi.

“Bizda vaqt cheklovlari, sur'atlar bo‘yicha cheklovlar yo‘q”, deb aytgan Tramp jurnalistlarga. Shu bilan birga Tramp bu masalaning muhokamasi “juda yaxshi kechayotganini” aytgan.

Tramp Shimoliy Koreya muammosini Xelsinkida Rossiya prezidenti Vladimir Putin bilan muhokama qilganini ma'lum qilgan. “Prezident Putin bu jarayonga qo‘shilishga tayyorligini aytgan, ya'ni u biz bilan birga”, deb aytgan Tramp.