Buxoroda mehmonxonada fohishaxona tashkil etgan ayol qo‘lga olindi

Buxoroda o‘z boshqaruvidagi mehmonxonani fohishaxonaga aylantirgan ayol qo‘lga olindi. Bu haqda Buxoro IIB matbuot xizmati «Kun.uz»ga xabar bergan.

Buxoro viloyati ichki ishlar boshqarmasi tezkor xodimlari tomonidan Buxoro shahrida o‘tkazilgan tezkor-tadbirlar davomida Buxoro shahar, Sallaxona ko‘chasi 8-uyda yashovchi, 1967 yilda tug‘ilgan, «Umid travel» mehmonxonasining rahbari Muxabbat Jo‘rayeva tekin boylik orttirish maksadida ushbu mehmonxonaning 1-xonasida Jondor tumanida yashovchi fuqarolarning o‘zaro jinsiy yaqinlikda bo‘lishlari uchun alohida joy va sharoit yaratib berib, buning evaziga fuqarolardan 150.000 so‘m naqd olib fohishaxona tashkil qilganligi aniqlandi», deyiladi xabarda.

Mazkur holat yuzasidan Jo‘rayevaga nisbatan O‘zbekiston Respublikasi Jinoyat Kodeksining 131-moddasi 2-qismi bilan jinoyat ishi  qo‘zg‘atilgan.