NASA Marsdagi turar-joy loyihalari tanlovi g‘olibini e'lon qildi 

NASA Marsda fazogirlar uchun turar-joy loyihalari bo‘yicha tanlov natijalarini e'lon qildi.

1-o‘rinni Arkanzasdan bo‘lgan jamoa egallagan. Bu jamoa loyihasiga ko‘ra, robotlar Marsda turar-joy qurish uchun zarur bo‘lgan resurslarni yig‘adi va shundan keyin uni 3D-printerlar yordamida barpo etish mumkin bo‘ladi. G‘oya mualliflarining ta'kidlashicha, bu texnologiya bino maydonini va shu bilan birga unda yashovchilar sonini oshirishga imkon beradi.

Eng yaxshi beshta loyiha mualliflari 100 ming dollar miqdoridagi mukofot jamg‘armasini o‘zaro bo‘lishib olishdi. Ularning ishlari NASA’ning rasmiy saytida e'lon qilindi. 

Tanlov 2014 yilda e'lon qilinib, unda butun dunyodan 18 ta jamoa ishtirok etgan. Tanlov tashkilotchilari ishtirokchilar insoniyatni yangi sayyoralarni zabt etishga yaqinlashtira olishlariga umid qilishmoqda.