«Atletiko» yangi sardorni tayinladi, Grizmann unga o‘rinbosar bo‘ldi

Madridning «Atletiko» klubi yangi sardorni va unga uch nafar o‘rinbosarni tayinladi.

Gabi Fernandes klubni tark etganidan so‘ng, sardorlik bog‘ichini kim taqishi noma'lum bo‘lib turgan edi. 

Klub rahbariyati qaroriga ko‘ra, «Atletiko» tarkibida eng ko‘p o‘yin o‘tkazgan urugvaylik Diyego Godin sardor qilib tayinlandi. Koke, Xuanfran va Antuan Grizmann vitse-sardor qilib tayinlandilar va Godinga o‘rinbosarlik qiladigan bo‘lishdi.