Genuya fojiasi. Ko‘prik qulashi oqibatida halok bo‘lganlar soni oshmoqda

Italiyaning Genuya shahrida ko‘prikning qulashi oqibatida halok bo‘lganlar soni 41 kishiga yetdi. Bu haqda ANSA xabar bermoqda.

Aniqlik kiritilishicha, halok bo‘lganlarning soni ortgan, chunki qutqaruvchilar vayronalar ostida avtomobilni topishgan, uning ichida ota-ona va ularning to‘qqiz yoshli o‘g‘li bo‘lgan. Ayni paytda avtomobil ko‘prigi qulagan joyda qidiruv ishlari davom etmoqda.

Avvalroq, ko‘prik qulashi yuz bergan Italiyaning Genuya shahri bosh prokurori Franchesko Kotstsi 20ga yaqin odam bedarak yo‘qolgani haqida ma'lum qilgandi.