Andijon viloyati bosh imomi imomlik madaniyati haqida gapirdi

Andijon viloyati bosh imom-xatibi Nuriddin hoji Xoliqnazarov O‘zbekiston prezidenti Shavkat Mirziyoyevga videomurojaat yo‘llagan toshkentlik imom Fazliddin Parpiyevning so‘zlariga munosabat bildirdi.

«Masjid minbari unga omonat edi. U bu minbarda turib, xohlagan gapni gapirishga haqli emasdi. Bu siyosat minbari emas. Bu bizga, diniy idoraga va boshqa imomlarga hurmatsizlik», degan u.

Bundan oldinroq O‘zbekiston musulmonlari idorasi raisi, muftiy Usmonxon Alimov «rahbariyat bilan maslahatlashmay, o‘z bilganicha minbarda chiqish qilgan» imomni noshukrlikda aybladi.